Mesfushori francez: Nuk i vendos unë shifrat

Futboll

Mesfushori francez: Nuk i vendos unë shifrat

Më: 2 tetor 2022 Në ora: 14:48
Mesfushori francez: Nuk i vendos unë shifrat e merkatos!

Aurelien Tchouameni u transferua këtë verë tek Real Madrid nga Monaco për shifrën e 80 milionë eurove teksa mesfushori menjëherë është shndërruar në një nga lojtarët më të pëlqyer të trajnerit Carlo Ancelotti ndërsa pritet të jetë një busull edhe për Francën në Botërorin e Katarit.

Por, karriera e 22-vjeçarit mund të ishte ndryshe teksa në verë pati kërkesë edhe nga ana e PSG. Së fundmi, Tchouameni, tregon si i refuzoi francezët ndërsa foli edhe për shifrat në merkaton aktuale.

“Unë nuk hezitova për të refuzuar PSG. E di, ata janë një klub i madh europian, por nuk kisha dyshime për të zgjedhur Real Madrid. Dëshiroja vetëm këtë skuadër.

80 milionë euro për mua?

Nuk jam unë ai që i vendos shifrat, thjesht u transferova në Madrid dhe tashmë duhet të performoj në maksimum.

Si Pogba? Është diçka e mirë krahasimi me të, ka një karrierë të madhe Pogba. Por, unë jam Aurelien Tchouameni dhe kemi një stil ndryshe të lojës. Unë përpiqem të shkruaj historinë time”, u shpreh francezi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat