Gavi i Barcelonës është futbollisti i katërt spanjoll që fiton këtë çmim

Futboll

Gavi i Barcelonës është futbollisti i katërt spanjoll që fiton këtë çmim

Më: 21 tetor 2022 Në ora: 13:54
Gavi i Barcelonës

Kjo padyshim është javë e madhe për Pablo Martín Paez Gavira, i njohur nga të gjithë thjesht si Gavi. Pas fitoi trofeun Kopa në galanë e Topit të Artë, vetëm 18 vjeçari është edhe fituesi i Golden Boy 2022 . Lajmi është bërë i ditur nga gazeta ‘Tuttosport’, e cila ia akordon këtë çmim edhe lojtarit më të mirë U21 në Evropë.

Mesfushori i Barcelonës mundi lojtarin e Real Madridit, Eduardo Kamavinga (19 vjeç), Xhud Belingam (19 vjeç) nga Borusia Dortmund dhe Xhamal Musiala (19 vjeç) nga Bajern Mynih.

Kjo është hera e parë që dy lojtarë nga e njëjta skuadër fitojnë këtë çmim në dy vite radhazi, pasi vjet fituesi ishte Pedri Gonzales.

Tre lojtarë të tjerë të Barçës ishin gjithashtu në listën e 20 të nominuarve: Pedri, Ansu Fati dhe Niko Gonzales , të huazuar nga Barça te Valencia.

Gavi është spanjolli i katërt që fiton këtë çmim, i krijuar në 2003 dhe i votuar nga gazetarë nga e gjithë Evropa, pas Çesk Fabregas (2006) me Arsenalin, Isko Alarkon (2012) me Malagën dhe Pedri Gonzales (2021) me Barçën.

comment Për komente lëvizni më poshtë
Sot mund të lexoni Shfletoni kopertinat