Komisioni i Garave i Superligës dhe Ligës së Parë në mbledhjen e mbajtur me 25.10.2022, ka diskutuar për regjistrimin e ndeshjeve të xhiros së 13-të të Albi Mall Superligës.
Komisioni i Garave ka vendosur për inicim disiplinor ndaj futbollistit të Trepçës ’89, Lulzim Pecit.
Peci kishte shkaktuar ndërhyrje brutale ndaj futbollistit të Gjilanit, Përparim Islamit, ku edhe u ndëshkuar direkt me karton të kuq.
Vendimi i plotë nga Komisioni i Garave:
Ndaj: Lojtarit të KF ”Trepça 89”, Lulzim Peci nr ID 005221M02. Motivi: Në minutën gjashtë (6) të ndeshjes Trepça’89–Gjilani, shkakton ndërhyrje brutale duke e rrezikuar shëndetin e lojtarit kundërshtar, për çka ishte ndëshkuar me karton të kuq direkt. Sipas raporteve të zyrtareve të ndeshjes Trepça’89-Gjilani.
