Mesfushori i kombëtares armene, Artak Grigoryan, ka folur për ndeshjen miqësore mes Kosovës dhe Armenisë që do të zhvillohet nesër në orën 18.00.
“Është mirë që futbollistët e rinj u përfshinë në listën e këtyre ndeshjeve miqësore.
Ne jemi gjithmonë pranë tyre me përvojën dhe këshillat tona, do t'i ndihmojmë.
Është një mundësi e mirë që ata të forcohen në skuadër.
E kemi studiuar kundërshtarin, është një ekip i mirë.
Pritet një ndeshje e vështirë, por lojëra të tilla janë kryesisht që trajnerët të nxjerrin konkluzione dhe të përgatiten për ndeshjet e radhës”, tha futbollisti i kombëtares armene gjatë konferencës për shtyp para ndeshjes.