Flick: 8 gola? Jo, Kosta Rika meriton respekt!

Futboll

Flick: 8 gola? Jo, Kosta Rika meriton respekt!

Më: 30 nëntor 2022 Në ora: 22:12
Flick: 8 gola? Jo, Kosta Rika meriton respekt!

Gjermania është gati për takimin me Kosta Rikën. Katër herë kampionët e botës, duhet të fitojnë sfidën e fundit në grup, që zhvillohet të enjten (20:00).

“Nesër pres një performancë të lartë nga skuadra. E kemi detyrim kualifikimin, por nuk ndjejmë aspak presion.

I kam në formë të gjithë lojtarët”, deklaron Hansi Flick në konferencën për shtypin. Trajneri i Gjermanisë ndalet edhe tek individët.

“Sane është gati të luajë nga minuta e parë. Havertz mungoi ndaj Spanjës për shkak se ishte ftohur”.

Flick insiston në idenë e tij të lojës: “Ne duam që futbolli ynë të jetë tërheqës, modern dhe sulmues”.

Nëse Japonia fiton ndaj Spanjës, Gjermanisë i duhet fitore me tetë gola, por trajneri i Gjermanisë nuk e mendon si opsion.

“Do të ishte mendjemadhësi supozimi i idesë së shënimit të tetë golave, Kosta Rika meriton respekt”, theksoi Flick.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat