Mbrojtësi i Francës: Duam Botërorin, pak rëndësi ka se cili luan

Futboll

Mbrojtësi i Francës: Duam Botërorin, pak rëndësi ka se cili luan

Më: 4 dhjetor 2022 Në ora: 14:32
Mbrojtësi i Francës: Duam Botërorin, pak rëndësi ka se cili luan

Uilliam Saliba ka folur në kuadër të përballjes me Poloninë të dielën (16:00) në fazën e 1/8-ave të Kupës së Botës. Qendërmbrojtësi i “Bluve” dhe Arsenalit shprehu qetësinë e grupit përpara se të sfidonte Robert Levandovskin dhe shokët e tij.

“Kam ardhur si rezervë dhe e di rolin tim.

Askujt nuk i pëlqen stoli, por nuk duhet harruar se është Botërori im i parë. Jam 21 vjeç, jam i ri dhe kam ende kohë.

Të gjithë të rinjtë duan të luajnë, por unë nuk jam i zhgënjyer.

Në fakt jam shumë krenar që jam pjesë e këtij grupi. Të gjithë ndihemi të përfshirë, madje edhe ata që luajnë pak e pak. Duhet të jemi gati. Jemi një familje e pavarësisht nëse luajmë apo jo, të gjithë duam të fitojmë”, deklaroi Saliba.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat