"Tuiti enigmatik" i Real Madridit ka tërbuar shumë tifozë

Futboll

"Tuiti enigmatik" i Real Madridit ka tërbuar shumë tifozë

Më: 3 shkurt 2023 Në ora: 16:00
"Tuiti enigmatik" i Real Madridit ka tërbuar shumë tifozë

Real Madridi ka lëshuar një postim enigmatik në “Tuitter”, që fjalë për fjalë ka tërbuar tifozët e tij dhe më gjerë.

Shihen dy flamuj: ata të Brazilit e Portugalisë, si dhe një palë sy (emoji).

Një njoftim i ngrohtë për të dyja kombet (e flamujve), por ndoshta i përkiste futbollistit në veçanti.

Kjo është arsyeja pse mbështetësit e “Los Blancos” u çmendën në një mënyrë shumë specifike.

Ata nisën të ëndërrojnë rikthimin e Kristiano Ronaldos dhe komentuan postimin me foto të panumërta të kampionit portugez, shpeshherë i shoqëruar edhe nga Marselo, që do të përfaqësonte flamurin brazilian.

Një sugjerim shumë i vështirë, por që tregon se sa shumë janë të prirur tifozët e Real Madridit ta shohin sërish CR7 në “Bernabeu”.

Ndër të tjera, vetë portugezi bëri një vizitë tek ish-skuadra e tij pak më pak se një muaj më parë, kur u paraqit në kampin stërvitor të ngritur në Arabinë Saudite nga Real Madrid në kuadër të finales së Superkupës spanjolle.

comment Për komente lëvizni më poshtë
Sot mund të lexoni Shfletoni kopertinat