​Rezultatet mungojnë, por “Dardanët” konfirmojnë mbështetjen e fuqishme për Kosovën

Futboll

​Rezultatet mungojnë, por “Dardanët” konfirmojnë mbështetjen e fuqishme për Kosovën

Më: 30 gusht 2023 Në ora: 09:06
Foto ilustrim

Të gjitha biletat për ndeshjen kualifikuese për Euro 2024 ndërmjet Kosovës dhe Zvicrës, e cila zhvillohet më 9 shtator në stadiumin “Fadil Vokrri” në Prishtinë, janë shitur brenda pak orëve.

Ky interesim i madh nga tifozët është një shenjë e fortë e përkrahjes së fuqishme ndaj Kombëtares së Kosovës. Mbi 13 mijë tifozë, aq sa është kapaciteti maksimal i stadiumit “Fadil Vokrri” do të jenë të pranishëm në tribuna natën e 9 shtatorit, aty ku për kundërshtar Kosova do t’i ketë edhe yje si Granit Xhaka e Xherdan Shaqiri.

Kosova nuk ka pasur rezultate të mira në ndeshjet e fundit. Ata barazuan me Andorrën e Rumaninë, derisa u mposhtën nga Bjellorusia, por kjo nuk e ndali hovin e madh të tifozëve në mbështetje të lojtarëve.

Kosova është në grupin I të kualifikimeve për Euro 2024, ku renditet në vendin pestë me vetëm tri pikë, duke pasur kështu fare pak gjasa për kualifikim tutje.

comment Për komente lëvizni më poshtë
Sot mund të lexoni Shfletoni kopertinat