Mediumi zviceran: Festimi i Granit Xhakës, mjekët kërcejnë të frikësuar

Futboll

Mediumi zviceran: Festimi i Granit Xhakës, mjekët kërcejnë të frikësuar

Nga: K. Goca Më: 23 shkurt 2024 Në ora: 23:14
Granit Xhaka

Granit Xhaka është në qendër të vëmendjes me golin që ka shënuar sot në fitoren e Bayer Leverkusenit me rezultat 2:1 ndaj Mainzit. 

Mediumi zviceran “Blick”, ka shkruar se gol i Xhakës ka tremb edhe mjekët e Bayer Leverkusenit. 

“Festimi i golit të Xhakës tremb mjekët e Leverkusenit”, është titulli i mediumit zviceran “Blick”.

“Me fitoren 2:1 në shtëpi kundër Mainzit, lideri i Bundesligës, Leverkusen e rritën epërsinë e tyre në njëmbëdhjetë pikë ndaj Bayern Munihut.

Menjëherë pas golit të Granit Xhakës, pankinën e Bayerit i ka kapluar paniku”, shkruan më tej.

Goditja e tij nga jashtë zonës së 16-shit topi e ka hutuar e parabolluar portierin në minutën e 3-të.

“Por më pas kapiteni i kombëtares së Zvicrës kap kofshën e majtë nga pas duke festuar.

Në stolin e Bayer, mjekët kërcejnë të frikësuar dhe duan të futen në fushë.

A u lëndua Xhaka nga gjuajtja? Kjo do të ishte një humbje e hidhur për liderin e Bundesligës.

Por Xhaka thjesht po argëtohej.

Mbërthimi në kofshë është pjesë e festës së tij të planifikuar, e cila duhet të tingëllojë e njohur për lojtarët.

Kështu që mjekët e Bayer-it mund të marrin frymë thellë”, shkruan mediumi zviceran.

 “Kam pritur kaq gjatë këtë gol. Festimi ishte planifikuar prej javësh”, ka thënë Xhaka.

comment Për komente lëvizni më poshtë
Sot mund të lexoni Shfletoni kopertinat