Bayer Leverkusen fton tifozët të përjetësojnë sezonin historik

Futboll

Bayer Leverkusen fton tifozët të përjetësojnë sezonin historik

Më: 11 maj 2024 Në ora: 13:51
Bayer Leverkusen

Bayer Leverkusen është padyshim skuadra më mahnitëse e këtij edicioni futbollistik.

“Aspirinat” e udhëhequr nga trajneri Xabi Alonso fituan për herë të parë në historinë e tyre titullin në Gjermani, ndërsa janë gjithashtu edhe në finalen e Kupës së Gjermanisë si dhe finalen e Europa League.

Por, për ta bërë edhe më të paharrueshëm këtë sezon, Leverkusen regjistroi edhe rekordin si skuadra me më shumë ndeshje radhazi pa humbje, plot 49. Një rekord që e mban e vetme dhe që ka mundësinë ta zgjasë edhe më tej.

Në këtë formë, për të festuar këtë sezon, klubi i Leverkusen ka ndërmarrë një iniciativë të veçantë për tifozerinë e saj duke i ftuar të bëjnë tatuazh diçka që lidhet me skuadrën.

Në sajtin zyrtar të klubit shkruhet se prenotimet për tatuazhet e para tashmë kanë nisur dhe mbetet për t’u parë se kush prej tifozëve do të ketë idenë më të veçantë.

comment Për komente lëvizni më poshtë
Sot mund të lexoni Shfletoni kopertinat