UEFA ka nisur procedurë disiplinore ndaj pjesëmarrësit të Kampionatit Europian, Shqipërisë, për shkak të disa incidenteve.
“Sipas informacioneve të së dielës, UEFA ka ngritur procedurë për hedhjen e gjërave në fushë, ndezjen e mjeteve piroteknike, hyrjen në fushë pa leje dhe përhapjen e një mesazhi provokues nga tifozët shqiptarë.
Zyra e kontrollit, etikës dhe disiplinës së UEFA-s do të shqyrtojë ngjarjet në ditët e ardhshme dhe do të vendosë për këtë çështje, thuhet në deklaratë”, shkruan mediumi zviceran “Blick”.
“Tifozët shqiptarë ndezën një mjet tymues gjatë lojës. Pak para përfundimit të ndeshjes, një tifoz u fut në fushë me flamur shqiptar.
Përveç kësaj, në tribuna valëviteshin disa flamuj të Shqipërisë së Madhe të ndaluar”, shkruan më tej.
