Drenica e Skenderajt synon të përforcohet në çdo repart dhe të jetë sa më e kompletuar për edicionin e ri në Ligën e Parë të Kosovës, Grupi A.
Skuadra kuqezi pikësynim e ka rikthimin në shoqërinë e më të mirëve.
Futbollisti Leutrim Islami është përforcimi më i ri i drenicasve.
“Leutrim Islami, përforcon ekipin!
Sulmuesi anësor, Leutrim Islami, do të jetë lojtar i Drenicës këtë edicion.
Islami, vjen nga Prishtina në formë huazimi dhe do të jetë forcë shtesë për sulmin tonë.
24 - vjeçari, u paraqit më Fushë Kosovën në superligë, kurse tek ekipi jonë vjen nga FC Prishtina.
Ne i deshirojmë mirëseardhje Trim Islamit, dhe shpresojmë dhe besojmë që bashkarisht do të arrijmë objektivin e klubit – Superligën”, njofton FC Drenica.