Alarm te Barça, “fantazisti” i mesfushës jashtë fushave për 5 javë

Futboll

Alarm te Barça, “fantazisti” i mesfushës jashtë fushave për 5 javë

Më: 16 shtator 2024 Në ora: 16:21
Dani Olmo

E nisi në mënyrë spektakolare, mirëpo duket se fati nuk është në anën e tij.

“Fantazisti” spanjoll, Dani Olmo do të mungojë rreth një muaj pasi pësoi një dëmtim në ndeshjen  javës së pestë të LaLiga, ndaj Girona, sfidë të cilën “Katalanasit” e Barcelona e fituan me shifrat 4-1 dhe Olmo ishte autori i golit të tretë.

Mirëpo, festa nuk zgjati shumë, pasi në minutën e 61’-të, Olmo u detyrua të linte fushën e blertë dhe sipas raportimeve më të fundit, nga vetë klubi “Blaugrana”, spanjolli do të mungojë 4-5 javë, pasi ka pësuar një tërheqje muskulare, në bicepsin e kofshës së djathtë.

Ndërkaq, kujtojmë se Dani Olmo u transferua te Barcelona gjatë kësaj vere për shifrën e 55 milionë eurove, nga “Demat” gjermanë të RB Leipzig dhe deri më tani kishte arritur të shënonte 3 herë në tre sfidat e para me skuadrën e tij të re. 

comment Për komente lëvizni më poshtë
Sot mund të lexoni Shfletoni kopertinat