Pas përfundimit të javës së 16-të, trajnerët e ekipeve kombëtare të moshave kanë përzgjedhur formacionin më të mirë të javës.
Në portë është Gentian Selmani i Tiranës, i cili mbajti portën e paprekur në transfertën me Skënderbeun.
Bruno Dita i Dinamo City dhe Artan Jazxhi i Teutës janë dy qendërmbrojtësit më të mirë të javës.
Ndërsa dy mbrojtësit më të mirë të krahëve janë Agan Mjaki i Laçit dhe Florjan Përgjoni i Tiranës.
Tre mesfushorët më të mirë të javës së 16-të janë; Arinaldo Rrapaj i Partizanit, Serxho Ujka i Egnatias dhe Ledjo Tresa i Laçit.
Dy sulmuesit e Dinamo City, Baton Zabërgja dhe Tiago Nani, së bashku me sulmuesin e Partizanit, Christian Mba, përbëjnë repartin e sulmit.
Trajneri i javës është përzgjedhur tekniku i Dinamo City, Ilir Daja.
