Paredes dhe Di Maria flasin për akuzat ndaj tyre për baste ilegale

Futboll

Paredes dhe Di Maria flasin për akuzat ndaj tyre për baste ilegale

Më: 12 prill 2025 Në ora: 13:45
Di Maria e Paredes

Mesfushori i Benficas, Angel Di Maria dhe ai i Romës, Leandro Paredes kanë komentuar informacionet për përfshirjen e tyre në lojëra të paligjshme të fatit në faqet e palicensuara.

Detaje të reja kanë dalë në lidhje me çështjen që përfshin Sandro Tonalin dhe Nicolo Fagioli për pjesëmarrjen e tyre në baste për ndeshjet e futbollit.

Së bashku me lojtarin Neëcastle dhe Fiorentinës, u zbuluan edhe emrat e 12 lojtarëve aktualë apo ish-lojtarëve të Serie A, ku përmendeshin edhe Di Maria dhe Paredes, gjatë kohës sa ishin lojtarë të Juventusit.

Megjithatë, pas publikimit të lajmit, lojtari aktual i Benficës dhe ai i Romës kanë mohuar përfshirjen e tyre në baste të paligjshme.

“Dua që të gjithë të kuptojnë se unë kurrë nuk kam bërë baste të paligjshme”, ka thënë shkurtimisht Di Maria.

“Në dritën e thashethemeve të fundit, dua të sqaroj se nuk kam qenë asnjëherë i përfshirë dhe nuk jam përfshirë në ndonjë bast të paligjshëm”, tha Paredes.

Ndryshe, këtë sezon, Di Maria ka luajtur 35 ndeshje për Benficën, duke shënuar 15 gola dhe duke dhënë 9 asistime.

Në anën tjetër, Paredes ka luajtur gjithsej 30 ndeshje me Romën në të gjitha garat, ku ka dy gola dhe dy asistime.

comment Për komente lëvizni më poshtë
Sot mund të lexoni Shfletoni kopertinat