Futbollisti i Arsenal, Leandro Trossard, ka kërkuar mbështetje maksimale nga tifozët anglezë para ndeshjes gjysmëfinale të Champions League kundër Paris Saint-Germain.
Në prag të sfidës që do të zhvillohet këtë të martë, sulmuesi belg ka theksuar rëndësinë e atmosferës në "Emirates Stadium" për të ndihmuar skuadrën drejt fitores.
"Me mbështetjen e publikut tonë, duhet të krijojmë një atmosferë elektrizuese që do të na shtyjë përpara", është shprehur Trossard.
Ai ka rikujtuar ndikimin e tifozëve në ndeshjen e kaluar ndaj Real Madrid. "Duam të njëjtën ndjesi si ndaj Madridit. Tifozët ishin të jashtëzakonshëm. Nëse e përsërisim edhe një herë, do të jetë fantastike", ka thënë futbollisti belg.
