Dani Olmo: Eliminimi i hidhur ndaj Interit në Champions të na shërbejë si mësim

Futboll

Dani Olmo: Eliminimi i hidhur ndaj Interit në Champions të na shërbejë si mësim

Më: 2 gusht 2025 Në ora: 12:17
Pamje nga një ndeshje

Pas një sezoni të parë pozitiv, por të ndikuar nga dëmtimet, Dani Olmo po përgatitet me entuziazëm për vitin e tij të dytë me fanellën e Barcelonës.

Fantazisti po stërvitet me grupin e plotë, një gjë e rrallë për fazën përgatitore, zakonisht e ndikuar nga grumbullimet me kombëtaret.

Në një intervistë për “Sport”, Olmo rikujton sezonin inaugurues me katalanasit dhe shikon përpara, duke pranuar se objektivi i qartë është Liga e Kampionëve, i vetmi trofe që mungon (pas sezonit të kaluar triumfues):

“Champions League mbetet një ëndërr, kjo është e sigurt. Sezonin e kaluar mund të kishim arritur në finale, por na munguan disa detaje të vogla. Tani kemi një tjetër mundësi”.

Për eliminimin e diskutueshëm në Milano, kundër Interit, Olmo nuk kërkon justifikime:

“Po të kishim shënuar një gol më shumë, nuk do të flisnim sot për këtë. Ka gjëra që duhen përmirësuar, edhe ajo ndeshje duhet të na shërbejë si mësim”.

comment Për komente lëvizni më poshtë
Sot mund të lexoni Shfletoni kopertinat