Tifozët turq shpërthejnë me ofendime ndaj Mourinhos

Futboll

Tifozët turq shpërthejnë me ofendime ndaj Mourinhos

Më: 19 shtator 2025 Në ora: 14:26
José Mourinho

José Mourinho mbetet një figurë ndarëse; ose e do, ose e urren. Këtë herë është vënë në shënjestër të pakënaqësisë së tifozëve të Fenerbahçes, që ndihen të “tradhtuar” nga trajneri portugez.

Shkak u bënë fjalët e tij në prezantimin si trajner i ri i Benfica: “Gabova që zgjodha Fenerbahçe, nuk ishte në nivelin tim”. Një deklaratë që ndezi zemërimin e fansave turq.

Kur “Mou” postoi një foto në Instagram nga qendra stërvitore e Benfica me mbishkrimin “mirëmëngjes, një ditë e veçantë”, tifozët e Fenerbahçes e “sulmuan” me komente.

Mesazhet e tyre ishin të ashpra: “special money”, “empty one”, “mercenar”, “ke rënë në nivel, Benfica < Fenerbahçe”.

Dhjetëra e qindra komente tregojnë zhgënjimin e madh, pas një historie dashurie të mbyllur papritur dhe në mënyrë të hidhur. Mourinho, edhe një herë, ka ndezur polemika.

comment Për komente lëvizni më poshtë
Sot mund të lexoni Shfletoni kopertinat