Platini: Kam llogari të hapura me ata që më dëmtuan…

Futboll

Platini: Kam llogari të hapura me ata që më dëmtuan…

Më: 24 tetor 2025 Në ora: 11:31
Michel Platini

Pas 10 vitesh gjyqe, Michel Platini është shpallur i pafajshëm nga akuzat për korrupsion, të ngritura më 2015, gjatë kohës që konkuronte për postin e presidentit të FIFA-s.

Në një intervistë për “Gazzetta dello Sport”, Platini tha: “Nuk jam një njeri i shkatërruar. Kam jetuar mirë, familja dhe miqtë më kanë mbështetur.

Nuk u bëra president i FIFA-s, por… çfarë rëndësie ka”.

Ai tregoi se ndonëse kishte mbështetje nga 150 federata, procesi ishte i padrejtë:

“Një avokate nga Trinidad & Tobago, e zgjedhur nga presidenti i FIFA-s, më pyeste, por më akuzonte para se të përgjigjesha. Donin vetëm të më largonin”.

Platini nuk e ndjen këtë proces si fundin e tij: “Kam llogari të hapura me ata që më dëmtuan, do të luftoj kundër padrejtësisë. Tani fillon kundërsulmi im, do të luaj si Trapattoni”.

comment Për komente lëvizni më poshtë
Sot mund të lexoni Shfletoni kopertinat