Klubi më i suksesshëm në futsall në Kosovë, Prishtina 01 është pritur nga kryeministri në detyrë i Kosovës, Albin Kurti.
Prishtina 01 ka shënuar rezultate të lakmueshme edhe në garat e Champions League.
Kryeministri Kurti ka përgëzuar ecurinë e këtij klubi.
Foto e përbashkët
“Sot, FC Prishtina 01 pati nderin të pritet nga Kryeministri në detyrë i Kosovës, Albin Kurti, i cili na uroi për sukseset e jashtëzakonshme, si në arenën vendore, ashtu edhe ndërkombëtare.
Ai vlerësoi arritjen tonë madhore, duke qenë në mesin e 16 ekipeve më të mira të Evropës në futsall, dhe na motivoi për të vazhduar të përfaqësojmë Kosovën me krenari.
Në këtë takim ishin të pranishëm edhe Presidenti i klubit, Bledion Bryma, drejtori sportiv, Oso Gjinovci, trajneri Haki Ahmeti me stafin e tij, si dhe lojtarët – faktorët kryesorë për sukseset e arritura dhe zhvillimin e jashtëzakonshëm të ekipit.
FC Prishtina 01 e falënderon Kryeministrin për përkrahjen e vazhdueshme, për besimin dhe motivimin që i jep skuadrës, duke na inkurajuar të synojmë rezultate edhe më të larta në sfidat e ardhshme, si në nivel vendor, ashtu edhe në arenën ndërkombëtare”, thuhet në njoftimin e FC Prishtina 01.
