Dy burra që sot lartësuan shqiptarinë në Mal të Zi

Futboll

Dy burra që sot lartësuan shqiptarinë në Mal të Zi

Kemajl Goca Nga Kemajl Goca Më 26 nëntor 2025 Në ora: 20:08
Pal Dreshaj e Skendo Rexha

Pal Dreshaj dhe Skendo Rexha, me klubet e tyre, janë sot në qendër të vëmendjes së futbollit në Mal të Zi. 

Dreshaj e Rexha, me punën e tyre bënë mrekullinë në Kupën e Malit të Zi.

Për herë të parë në histori të këtij shteti, dy skuadra shqiptare janë në gjysmëfinale të Kupës së Malit të Zi.

Deçiqi i Tuzit, me president Pal Dreshajn, dhe Otrant Olimpik nga Ulqini, me president Skendo Rexhën, sot shkruajnë histori shqiptare në futbollin malazez.

Deçiqi, fitues i Kupës malazeze në edicionin e kaluar, për të gjashtin vit radhazi siguron pjesëmarrjen në gjysmëfinale. Në stadiumin “Besa”, skuadra nga Tuzi e rrëzoi liderin e kampionatit malazez, Sutjeska nga Nikshiqi, duke e mposhtur me rezultat 2:1.

Ndërkohë, Otrant Olimpik, lider në Ligën e Dytë, shkaktoi senzacion të madh, duke eliminuar pas penalltive me rezultat 5:4 skuadrën e Petrovac, pasi ndeshja në kohën e rregullt u mbyll baras 2:2.

Ky sukses i madh i skuadrave shqiptare vjen në një edicion ku është thyer dominimi shumëvjeçar i klubeve më të mëdha malazeze si Buduçnosti dhe Sutjeska.

Dreshaj e Rexha, dy burra të mëdhenj që lartësuan sot shqiptarinë në shtetin e Malit të Zi.

comment Për komente lëvizni më poshtë
Sot mund të lexoni Shfletoni kopertinat