Hidhet shorti, grupe të forta në Kampionatin Botëror! Ja ku bie Kosova nëse kualifikohet

Futboll

Hidhet shorti, grupe të forta në Kampionatin Botëror! Ja ku bie Kosova nëse kualifikohet

Kemajl Goca Nga Kemajl Goca Më 5 dhjetor 2025 Në ora: 17:56 Përditësuar në ora: 19:05 më 05.12.2025
Pamje nga shorti

Emocione

Emocion të mëdha në shortin që u tërhoq në Uashington të Shteteve të Bashkuara të Amerikës.

Kombëtaret mësojnë rivalët që do të përballen në fazën e grupeve në Kampionatin Botëror në futboll, që mbahet vitin e ardhshëm.

Në rast se Kosova kualifikohet do të jetë në Grupin D me Shtetet e Bashkuara të Amerikës, Paraguain dhe Australinë.

Në “play-off” të Botërorit është edhe Shqipëria, që nëse kualifikohet do të jetë në Grupin F me Holandën, Japoninë dhe Tunizinë.

Kapiteni Granit Xhaka me Zvicrën janë në grupin B, ku janë edhe Kanada, Katari dhe një kombëtare që del fitues në play-off që luhet në muajin mars. 

Kampionati Botëror do të fillojë më 11 qershor dhe do të përfundojë më 19 korrik 2026.

Grupi A
Meksika
Afrika e Jugut 
Koreja e Jugut
FIFA  Play - off

Grupi B
Kanada
FIFA  Play - off
Katari
Zvicra

Grupi C
Brazili
Haiti
Maroku
Skocia

Grupi D
SHBA
Paraguai
Fituesi i play-off-it, Kosova, Sllovakia, Rumania ose Turqia
Australia

Grupi E
Gjermania
Curaçao
Bregu i Fildishtë
Ekuadori

Grupi F
Holanda
Japonia
FIFA  Play - off
Tunizia

Grupi G
Belgjika
Egjipti
Irani
Zelanda e Re

Grupi H
Spanja
Bregu i Fildishtë
Arabia Saudite
Uruguai
FIFA  Play - off
Grupi I
Franca
Senegali
Norvegjia
FIFA  Play - off

Grupi J
Argjentina
Algjeria
Austria
Jordania

Grupi K

Portugalia
Uzbekistani
FIFA - Play
Kolumbia

Grupi L
Anglia
Kroacia
Gana
Panama

FIFA i ndan çmim Donald Trumpit

Në ceremoninë e shortit për Botërorin 2026, FIFA i ka ndarë presidentit të SHBA-së, Donald Trump, çmimin e paqes, “FIFA Peace Price”.

Presidenti i FIFA-s Gianni Infantino beson plotësisht se Kupa e Botës 2026 do t’i tejkalojë të gjitha pritshmëritë.entin madhështor, që do të mbahet nga 11 qershori.

“Kjo do të jetë Kupa e Botës më e mirë në histori”.

“Do të kemi shtatë milionë njerëz në stadiume. Gjashtë miliardë njerëz do ta shohin Kupën e Botës në shtëpi dhe përreth botës”.

“Kjo është si të zhvillohen 104 Super Bowls brenda një muaji. Është magnificente”.

“Sonte jemi këtu për të festuar”, deklaroi Infatino.

Nis ceremonia e hedhjes së shortit të Botërorit 2026

Nis ceremonia e hedhjes së shortit të Botërorit 2026!

Futbolli botëror ka sot të gjithë vëmendjen në “Kennedy Center” në Uashington, ku FIFA hedh shortin për fazën finale të Kupës së Botës 2026.

Një short i veçantë, pasi ky është turneu i parë me 48 skuadra, si dhe zhvillohet në 3 shtete të ndryshme: SHBA, Meksikë dhe Kanada.

Njëkohësisht, ai sheh për herë të parë Shqipërinë si pjesëmarrëse, edhe pse për momentin “në teori” pasi kuqezinjtë më parë duhet të kalojë fazën play-off në muajin mars.

FIFA tashmë ka njoftuar edhe për orarin, ku turneu më i madh në botë do të fillojë më 11 qershor, ndërsa do të përfundojë më 19 korrik 2026.

Faza e grupeve: 11-27 qershor

Raundi i 32-të: 28 qershor – 3 korrik

Raundi i 16-të: 4-7 korrik

Çerekfinalet: 9-11 korrik

Gjysmëfinalet: 14-15 korrik

Vendi i tretë (medalja e bronztë): 18 korrik

Finalja e madhe: 19 korrik.

Gjithçka gati

48 kombëtare që siguruan biletën për në Kampionatin Botëror ndahen në mënyrë të barabartë në katër vazo.

Së pari, 12 vendet nga Vazo 1 shortohen në grupet A deri në L, me tre vendet pritëse, Meksika (A), Kanadaja (B) dhe SHBA-ja (C), të cilat tashmë e kanë të garantuar një vend në grupet e tyre përkatëse.

Pastaj, një ekip nga Vazot B, C dhe D shortohet në secilin grup.

Në parim, vetëm një komb për konfederatë mund të shortohet në secilin grup.

Përjashtim bën UEFA, sepse ka më shumë ekipe evropiane (16) sesa grupe.

Prandaj, secili grup do të shortohet me të paktën një dhe maksimumi dy ekipe të UEFA-s.

Zvicra mund të përballet vetëm me një kundërshtar evropian në fazën e grupeve.

SHBA-ja, Meksika dhe Kanadaja, si vende mikpritëse, janë automatikisht në Vazon 1.

Gjashtë pjesëmarrësit nga play-off-i evropian dhe ndërkontinentale, të cilat do të luhen në mars, janë në Vazon 4.

Përndryshe, pjesëmarrësit u renditën sipas

Renditjes së tyre Botërore të FIFA-s dhe në përputhje me rrethanat u caktuan në katër vazot. Zvicra është në Vazon 2.

Vazo e parë: Kanadaja, Meksika, SHBA-ja, Spanja, Argjentina, Franca, Anglia, Brazili, Portugalia, Holanda, Belgjika, Gjermania

Vazo e dytë: Kroacia, Maroku, Kolumbia, Uruguai, Zvicra, Japonia, Senegali, Irani, Koreja e Jugut, Ekuadori, Austria, Australia

Vazo e tretë: Norvegjia, Panamaja, Egjipt, Algjeria, Skocia, Paraguai, Tunizia, Bregu i Fildishtë, Uzbekistani, Katari, Arabia Saudite, Afrika e Jugut

Vazo e katërt: Jordania, Kepi i Gjelbër, Gana, Cuaraçao, Haiti, Zelanda e Re dhe gjashtë fituesit e plejofit

Plejofi A: Italia, Uellsi, Bosnja, Irlanda e Veriut

Plejofi B: Ukraina, Polonia, Shqipëria, Suedia

Plejofi C: Turqia, Sllovakia, Kosova, Rumania

Plejofi D: Danimarka, Çekia, Irlanda, Maqedonia e Veriut

Plejofi 1: DR Kongo, Xhamajka, Caledonia e Re

Plejofi 2: Iraku, Bolivia, Surinami

Emocionet e shortit për Kampionatin Botëror! Granit Xhaka me shokë me sy e veshë nga SHBA

Gjithçka gati për hedhjen e shortit në Uashington të Shteteve të Bashkuara të Amerikës.

Kombëtaret e kualifikuara me padurim presin t’i njohin rivalët në Kampionatin Botëror që mbahet vitin e ardhshëm.

Kapiteni Granit Xhaka me Zvicrën me padurim presin të njohin rivalët.

Nga ana tjetër, Kosova dhe Shqipëria që janë në play-off dhe besojnë e shpresojnë se do të sigurojnë biletën (nëse kualifikohen), do të njohin rivalët e grupeve të tyre.

comment Për komente lëvizni më poshtë
Sot mund të lexoni Shfletoni kopertinat