Edon Zhegrova më në fund i çon në këmbë italianët!

Futboll

Edon Zhegrova më në fund i çon në këmbë italianët!

Nga: K.G. Më: 20 dhjetor 2025 Në ora: 22:16
Edon Zhegrova

Juventusi ngadhënjeu në derbin e Italisë, me rezultat 2:1 ndaj Romës.

Ndeshje e luftuar deri në frymën e fundit.

Gjatë pjesës së dytë përkatësisht në minutën e 80-të, Juve goditi edhe shtyllën e majtë të Romës përmes futbollistit turk, Yildiz. 

Image

Pamje nga ndeshja

Në minutën e 44-të Conceicao kaloi në epërsi Juven.

Edon Zhegrova u aktivizua në minutën e 61-të dhe bëri paraqitje të mirë në fanellën e Juventusit.

Reprezentuesi i Kosovës, Edon Zhegrova, ka bërë një veprim brilant, falë harkimit të tij bie goli i dytë në minutën e 70-të.

Zhegrova harkoi sikur me milimetër, ndërsa McKennie goditi me kokë e portieri e ndali dhe topi deri te Openda i cili e futi në rrjetë, 2:0. 

Ky harkim i futbollistit Zhegrova çoi në këmbë italianët.

Pas gjashtë minutave (76’) një gabim i Edon Zhegrovës disa metra jashtë 16-shit, i kushtoi shtrenjtë ku mysafirët ngushtuan humbjen me golin e futbollistit Baldanzi. 

Juventusi renditet në pozitën e pestë me 29 pikë, një më pak se Roma në të katërtin pas javës së 16-të.

comment Për komente lëvizni më poshtë
Sot mund të lexoni Shfletoni kopertinat