Espanyol dorëzohet në finish ndaj Barcelonës! Hidhen shishe në fushë

Futboll

Espanyol dorëzohet në finish ndaj Barcelonës! Hidhen shishe në fushë

Nga: K.G. Më: 3 janar 2026 Në ora: 22:59
Pamje nga ndeshja

Kryendeshja e Katalanisë me rivalitet të madh deri në frymën e fundit.

Barcelona ngadhënjen në konak të Espanyolit, me rezultat 2:0 në kuadër të javës së 18-të të Kampionatit të Spanjës.

Në finish të takimit, Barcelona që sulmoi vazhdimisht shënoi dy gola. 

Në minutën e 86-të Dani Olmo nga rreth 16-17 metra shënoi eurogoil në këndin e epërm të majtë 0:1. 

Në minutën e 90-të, Robert Lewandowski vulosi rezultatin 0:2.

Në minutat e fundit hidhen shishe të plastikës në fushë nga tifozët e Espanyolit.

Portieri i Barcelonës Joan Garcia është më i merituari për fitoren e Barcelonës, duke bërë 5-6 pritje spektakolare.

Barcelona kryeson me 49 pikë, ka 7 më shumë se Reali (një ndeshje më pak).

Espanyoli është në vend të pestë me 33 pikë të mbledhura.

comment Për komente lëvizni më poshtë
Sot mund të lexoni Shfletoni kopertinat