Getafe ka arritur tre pikë si vendas, por në anën tjetër Mallorca e Vedat Muriqit me humbjen e sotme po rrezikon shumë dy javë pa rënë perdja e kampionatit spanjoll.
Skuadra e Getafe-s ka shënuar fitore me rezultat 3:1 ndaj Mallorca-s, në takimin e javës së 36-të.
Futbollisti Satriano ishte fatal për skuadrën mysafire në pjesën e parë, duke shënuar në minutën e 14-të e 41-të.
Edhe pjesa e dytë ishte interesante.
Romero në minutën e 63-të realizoi për 3:0, ndërsa pas dy minutave (65’) Mascarell ngushtoi rezultatin në 3:1.
Reprezentuesi i Kosovës, Vedat Muriqi u paraqit titullar për Mallorca-n.
Mallorca bie në vend të 17-të me 39 pikë por ka pikë baras e një ndeshje më shumë se Girona që renditet dy pozita më poshtë. Getafe e zë vendin e shtatë me 48 pikë të mbledhura.
