Barcelona duket shumë aktive, para hapjes së merkatos.
Katalanasit duket se kanë siguruar edhe Bernardo Silvën.
Sipas raportimeve të mediave spanjolle dhe atyre italiane, katalanasit kanë gjetur akordin me futbollistin, i cili vjen me parametra zero pas mbylljes së aventurës së tij te Manchester City.
Përfaqësuesit e lojtarit shqyrtuan edhe disa oferta nga Atletico Madrid dhe Juventus, por vullneti i vetë Silvës ishte kalimi nën urdhrat e trajnerit Hansi Flick. Kjo lëvizje vjen si një afrim i rëndësishëm ekonomik për klubin, pasi transferimi nuk kërkon pagesë dëmshpërblimi për kartonin.
Paralelisht me këtë operacion, drejtuesit e Barcelonës janë duke punuar edhe për afrimin e sulmuesit Julian Alvarez, për të cilin po përgatitet një ofertë prej 100 milionë eurosh drejtuar Atletico Madridit.
Këto lëvizje pasojnë blerjen e fundit të Anthony Gordon nga Newcastle për shifrën e 80 milionë eurove. Përmes këtyre investimeve, krerët e klubit synojnë të ndërtojnë një grup konkurrues për sezonin e ri.