Dinamo e Ferizajt ka synime të mëdha në edicionin e ri të Ligës së Parë të Kosovës në futboll.
Dinamovitët synojnë të kompletohen në të gjitha aspektet dhe të ndërtojnë një ekip të denjë që të luftojnë për kreun e tabelës.
Dinamo nuk arriti të inkuadrohet në elitën e futbollit, pasi që në finalen e barazhit pësoi humbje me rezultat 2:0 nga Llapi i Podujevës.
Dinamo ka emëruar drejtorin e ri sportiv.
Është fjala për ish futbollistin e dëshmuar dhe së fundit trajner i Dinamos, Burim Çerkini.
“Burim Çerkini emërohet drejtor sportiv klubit tonë.
Burimi ka qenë më parë trajner i ekipit tonë dhe së fundmi e udhëhoqi skuadrën edhe në ndeshjet e barazhit.
Me përvojën, përkushtimin dhe njohjen e mirë të klubit, ai merr tani një rol të ri e shumë të rëndësishëm në organizatën tonë.
I urojmë shumë suksese në detyrën e re si Drejtor Sportiv dhe besojmë se do të vazhdojë të japë kontribut të madh për zhvillimin dhe sukseset e klubit tonë”, njofton Dinamo.