Gjermania e ka nisur në mënyrën më të mirë të mundshme Kampionatin Botëror, duke e mposhtur bindshëm Curaçao me rezultat 7:1.
Pas golit të hershëm të Gjermanisë, Curaçao arriti befasisht të barazojë rezultatin, por kjo duket se e “zgjoi” Gjermaninë, e cila më pas dominoi plotësisht dhe e mbushi rrjetën e kundërshtarit.
Pas ndeshjes, selektori gjerman Julian Nagelsmann pranoi se goli i kundërshtarit i ka shqetësuar për një moment skuadrën e tij.
“Na u deshën disa minuta për t’u rikthyer në lojë pas barazimit,” tha Nagelsmann.
Ai gjithashtu vlerësoi paraqitjen e Curaçao:
“Curaçao gjithashtu di të luajë futboll, e keni parë. Jam shumë kurioz të shoh si do të paraqiten në vazhdim të fazës së grupeve.”
Duke folur për skuadrën e tij, ai shtoi:
“Jam shumë i kënaqur që shënuam shtatë gola dhe në përgjithësi me paraqitjen tonë gjatë ndeshjes.
Fitorja në start të turneut është gjithmonë e rëndësishme dhe jam i lumtur që ia dolëm,” përfundoi Nagelsmann.
