Milan paguan 30 milionë euro për ish-mbrojtësin e Real Madridit

Futboll

Milan paguan 30 milionë euro për ish-mbrojtësin e Real Madridit

Më: 7 korrik 2026 Në ora: 19:29
Pamje nga ndeshja

Mario Gila do të jetë futbollisti më i ri i Milan. Qendërmbrojtësi 25-vjeçar ka vendosur që të largohet nga Lazio, për të nisur një aventurë të re me kuqezinjtë.

Me klubin e ri, spanjolli pritet të firmosë kontratë 5-vjeçare, pra të vlefshme deri në verën e vitit 2031. Ndërkohë që për të siguruar shërbimet e tij, Milan do të shpenzojë rreth 30 milionë euro.

Kështu, trajneri Ruben Amorim do të ketë një “armë” shtesë në repartin difensiv. Kujtojmë se Gila e ka nisur karrierën në Spanjë me CD Damm, ndërsa më vonë ka luajtur për të rinjtë e Espanyol dhe Real Madrid.

Deri më tani totali i shpenzimeve të Milanit në këtë fillim merkatoje, shkon rreth 104 milionë euro. Vetëm pak ditë më parë, klubi kuqezi zyrtarizoi blerjen e Goncalo Ramos për 74 milionë euro, përfshirë këtu edhe bonuset.

Sot mund të lexoni Shfletoni kopertinat