Burhan Emurllai është ndarë nga Kamjani me fitore, duke e mbyllur angazhimin e tij në krye të skuadrës me një triumf 1:0 ndaj Detonitit.
Ndeshja e javës së gjashtë të LDFMV-së ishte e fundit për Emurllain në stolin e Kamjanit, pasi trajneri shqiptar do të vijojë karrierën në Azerbajxhan.
Pas përfundimit të takimit, Emurllai falënderoi drejtuesit e klubit, futbollistët dhe të gjithë bashkëpunëtorët për mbështetjen dhe bashkëpunimin gjatë periudhës së tij te Kamjani, ndërsa klubit i uroi suksese në vazhdim të sezonit.
Sipas asaj që ka konfirmuar vetë Emurllai për Open-TV, tashmë ai do t’i bashkohet Jeton Beqirit në Gabala, ku do të nisë një kapitull të ri në karrierën e tij.
Kështu, aventura e tij te Kamjani mbyllet me fitore, ndërsa sfida e radhës e pret në futbollin e Azerbajxhanit.
Ai e lë Kamjanin në vendin e pestë me 10 pikë.