Gjeorgjia shkarkon trajnerin që shkroi histori në Euro 2024

Futboll

Gjeorgjia shkarkon trajnerin që shkroi histori në Euro 2024

Më: 26 shtator 2026 Në ora: 19:31
Sagnol

Federata e Futbollit e Gjeorgjisë ka vendosur të ndërpresë bashkëpunimin me trajnerin Willy Sagnol pas më shumë se pesë vitesh në drejtim.

Tekniku francez ishte njeriu që shkroi historinë duke dërguar Gjeorgjinë në raundin e 1/8-ave në debutimin e saj në Euro 2024.

Vendimi për shkarkimin e tij erdhi menjëherë pas humbjes së papritur që Gjeorgjia pësoi në shtëpi përballë Irlandës së Veriut në Ligën e Kombeve.

Në vend të Sagnol, në stolin e kombëtares rikthehet Ramaz Svanadze. Ai ka shërbyer më parë si trajner i përfaqësueses në periudhën 2020-2021, përpara se të merrte drejtimin e kombëtares U-21.

Willy Sagnol largohet nga kjo aventurë me një bilanc prej 25 fitoresh, 11 barazimesh dhe 23 humbjesh në stolin gjeorgjian. Tashmë përfaqësuesja e Gjeorgjisë përgatitet të hyjë në një epokë të re nën drejtimin e teknikut të njohur vendas.

Sot mund të lexoni Shfletoni kopertinat