Barcelona synon përforcimin e mbrojtjes në janar, Gvardiol në listën e dëshirave!
Barcelona ka nisur kërkimet për një qendërmbrojtës të ri në afatin kalimtar të janarit, ndërsa njëri prej emrave që pëlqehet nga drejtuesit katalunas është Joshko Gvardiol i Manchester Cityt.
Sipas gazetës spanjolle “Diario AS”, Barcelona ka pyetur edhe më herët për mundësinë e transferimit të mbrojtësit kroat, i cili mbetet një prej opsioneve të shqyrtuara nga klubi.
Një tjetër emër që është marrë në konsideratë është edhe Jonathan Tah i Bayern Munihut.
Megjithatë, realizimi i një transferimi në janar nuk do të jetë i lehtë për Barcelonën, për shkak të kufizimeve financiare.
Katalunasit mund të detyrohen të shesin disa futbollistë gjatë afatit kalimtar të dimrit, në mënyrë që të krijojnë hapësirën e nevojshme financiare për të sjellë një përforcim të ri në repartin defensiv.