Dakord që të paguajnë 5.2 miliardë euro për tre edicionet e ardhshme

Futboll

Dakord që të paguajnë 5.2 miliardë euro për tre edicionet e ardhshme

Më: 13 maj 2021 Në ora: 19:29
Dakord që të paguajnë 5.2 miliardë euro për tre edicionet e ardhshme

Liga Premier ka arritur një marrëveshje për të vazhduar kontratën e tyre për transmetim me Sky Sport, BT Sport dhe Amazon Prime deri në vitin 2025 për 5.2 miliardë euro.

Me këtë Liga Premier ka vendosur që një shumë prej 116 milionë euro në vit ta investojë në divizionet më të ulët dhe futbollin e fëmijëve.

Sipas Daily Mail, të tre transmetuesit kanë rënë dakord të paguajnë 5.2 miliardë euro për tre edicionet e ardhshme.

“Gjatë gjithë këtij viti të vështirë Liga Premier dhe transmetuesit kanë punuar të gjithë së bashku për të gjetur zgjidhje proaktive për të siguruar Ligën Premier dhe ligat e ulëta, që sigurt të dalin nga pandemia”.

“Kjo në parim rinovimi i të drejtave tona të transmetimit është e shkëlqyeshme për shikuesit tanë, por gjithashtu ndihmon për të siguruar mbështetje jetike për komunitetin e gjerë të futbollit që mbështetet në Ligën Premier”, ka thënë CEO i BT Sport, Marc Allera.

Ky është një injeksion i madh parash për klubet e Ligës Premier, gjashtë prej të cilëve fillimisht kishin rënë dakord të bashkoheshin me projektin e Superligës së Evropës në kërkim të më shumë të ardhurave.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat