Baseli sot kërkon tre pikë ndaj skuadrës kazake Kairat Almaty, në ndeshjen e xhiros së pestë të Grupit H të Conference League në futboll.
Shqiptarët e Baselit kërkojnë tre pikë, në ndeshjen që luhet sot në orën 16.30.
Qarabag kryeson në grup me 10 pikë, pasojnë Baseli 8, Omonia 2 dhe Kairat Almaty me 1 pikë.
Pamjet nga stërvitjet në Almaty
Futbollistët shqiptarë, Taulant Xhaka, Pajtim Kasami, Edon Zhegrova e Tician Tushi, me Baselin e kanë të siguruar kalimin në të tetën e finales së Conference League.
Almaty është pothuajse në kufirin kinez. Linja ajrore midis Baselit dhe Almaty në Kazakistan është më shumë se 5200 kilometra.
“Linja ajrore midis Baselit dhe Almaty në Kazakistan është më shumë se 5200 kilometra. Një fluturim direkt zgjat rreth 7.5 orë. Planifikuesi i itinerarit të Google Maps thotë se do t'ju duheshin 75 orë me makinë, më shumë se tre ditë.
Kjo pa asnjë pushim! Ekziston edhe një diferencë kohore prej pesë orësh.
Kjo nuk është e gjitha: kufiri kinez është tashmë rreth 200 kilometra në lindje të Almaty. Baseli nuk ka udhëtuar kurrë kaq larg për një ndeshje jashtë fushe në Kupën Evropiane.
Nuk është çudi që Baselit ka pasur një udhëtim të çmendur. Ata u ngritën me një fluturim çarter të martën pasdite dhe mbërritën në Kazakistan rreth orës 2 të mëngjesit me orën lokale (9 pasdite me orën e Zvicrës”, shkruan mes të tjera “20min”.
Kapiteni i Baselit, Valentin Stocker, nuk mund ta kuptojë ende gjithë këtë gjë.
Para ndeshjes ai thotë: “Nuk kam qenë kurrë në një udhëtim si ky. Por gjithçka shkoi mrekullisht. Të gjithë kishin një ose dy vende në aeroplan”.
