Blerim Xhemajli, thumbim Erjona Sulejmanit: Kam të dashur tjetër?

Futboll

Blerim Xhemajli, thumbim Erjona Sulejmanit: Kam të dashur tjetër?

Më: 28 nëntor 2021 Në ora: 20:43
Blerim Xhemajli, thumbim Erjona Sulejmanit: Kam të dashur tjetër?

Blerim Xhemajli dhe Erjona Sulejmani për disa vite ishin një nga çiftet që shfaqeshin shumë shpesh në mediat rozë italiane, edhe për faktin se modelja shqiptare u bë shumë e njohur përtej Adriatikut. Por gjithçka përfundoi me divorc e sipas Xhemajlit, ndoshta kjo prani në media është ajo që ka ndikuar në jetën e tij.

Për këtë arsye, ai ka treguar në një intervistë në Zvicër se ajo që do të ndryshonte në jetën e tij, do të ishte pikërisht ruajtja më shumë e privatësisë së jetës së tij, shkruan Panorama sport.

“A kam të dashur tjetër? Jo, jam beqar. Por unë ende ëndërroj për një familje të madhe me shumë fëmijë. I dua familjet e mëdha. Unë ende nuk kam hequr dorë nga kjo ëndërr. Por nëse do të kisha një të dashur të re, nuk do ta trumbetoja këtu. Kam mësuar nga e kaluara.

Unë kam qenë shumë në media me marrëdhëniet e mia. Ka disa gjëra për të cilat njeriu pendohet kur sheh prapa në kohë. Sot do të isha më pak i hapur. Do ta mbroja më shumë privatësinë time. Por ishte gjithashtu shumë e vështirë, në Napoli, për shembull, më ndiqnin hap pas hapi”, tha Xhemajli në intervistën e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat