Sergi Roberto është një nga lojtarët që Xavi hernandez e shikon shumë të rëndësishëm për formacionin e Barcelonës.
Në ndeshjen që Barça do të zhvillojë kundër Bayern Munich në Champions League ditën e nesërme, Roberto është një mungesë e madhe, për shkak të një problemi që ka në këmbën e djathtë, që tek kalatanasit shpresojnë të mos ndikojë në paraqitjen e skuadrës.
Mbrojtësi spanjoll sipas asaj që raportohet do të udhëtojë, sot në Finlandë që t’iu nënshtrohet një operacioni për tq zgjidhur problemin me këmbën e djathtë.
Futbollisti do të operohet nesër nga kirurgu, Lasse Lempainen, por do të shoqërohet nga mjekët e klubit dhe pasi të përfundojë periudha postoperative, ai do të kthehet në Barcelonë për të filluar rehabilitimin. Një operacion i tillë pritet ta mbajë lojtarin jashtë fushës së blertë për rreth 4 muaj.
