Kosova sot shënon gjashtë vjetorin e anëtarësimit të saj në shtëpinë më të madhe të futbollit evropian UEFA.
Me këtë rast grupi i tifoizëve “Dardanët” kanë kujtuar punën dhe sakrificën e madhe të ish-presidentit të Federatës së Futbollit të Kosovës Fadil Vokrri në kohën e arritjes së këtij qëllimi të madh.
Më tutje ata kanë thënë se do të qëndrojnë përkrah Kosovës në etapat e reja të saj.
Ja postimi i plotë i “Dardanëve” në “Facebook:
Sot shënojmë 6 vjetorin e anëtarësimit të Kosovës në gjirin e UEFA-s.
Me këtë rast, të gjithë punëtorëve sportivë dhe anembanë tifozëve të futbollit, ua urojmë këtë përvjetor.
Kujtojmë dhe nderojmë punën, mundin dhe sakrificën e Fadil Vokrrit, që iu kurorëzuan me pranimin e Kosovës në instancat ndërkombëtare të futbollit.
Ne, Dardanët, do të vazhdojmë të qëndrojmë përkrah Kosovës në çdo etapë të saj.
Izolimi i futbollit tonë për më shumë se një dekadë ishte rraskapitës dhe errësirë e plotë.
Tani, prania jonë si palë e barabartë me shtetet tjera në garat kualifikuese, është kurorëzim i brezave të tërë.
U jemi falënderues gjithë atyre që e mundësuan këtë datë historike me kontributin që dhanë ndër vite.
