Pamje virale të momentit kur Ibrahimoviç thyen xhamin e autobusit të skuadrës

Futboll

Pamje virale të momentit kur Ibrahimoviç thyen xhamin e autobusit të skuadrës

Më: 16 maj 2022 Në ora: 21:06
Ibrahimoviç

Zlatan Ibrahimovic është fenomenal përkundër moshës së tij. Pas fitores kundër Atalantës ai takoi të gjithë shokët e skuadrës për t’i përgëzuar, edhe pse vetë nuk luajti.

Suedezi po e shijon atë që shokët e tij po bëjnë në fushë dhe ai po e jep kontributin e tij edhe pa luajtur, për shkak të lëndimeve të fundit.

Adrenalina e tij është e pashmangshme dhe një video para ndeshjes është bërë virale.

Teksa autobusi i futbollistëve po shkonte në “San Siro”, 40-vjeçari po festonte nga brenda dhe me grushte ai arriti të thyente xhamin e përparmë të autobusit. Video sigurisht u bë virale më pas.

Rossoenrët shënuan fitore 2-0 ndaj La Deas, duke prekur kështu me një dorë Scudetton.

Ndeshjen e fundit Milani e luan në udhëtim te Sassuolo dhe një barazim mund t’i sigurojë titullin.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat