Policë të plagosur dhe dhjetëra ultras të shoqëruar, finalja e vështirë e autoriteve ligjzbatuese

Futboll

Policë të plagosur dhe dhjetëra ultras të shoqëruar, finalja e vështirë e autoriteve ligjzbatuese

Më: 25 maj 2022 Në ora: 10:46
Policë të plagosur dhe dhjetëra ultras të shoqëruar, finalja e vështirë e autoriteve ligjzbatuese

Pasditen e 24 majit e sidomos gjatë orëve të mbrëmjes autoritetet ligjzbatuese në vend kaluan një sprovë të vërtetë për shkak të përplasjeve me tifozët e Feyenoordit dhe Romës, të mbërritur me mijëra në Tiranë për finalen e Conference League-s.

Janë me dhjetëra policë të plagosur, disa ultras të lënduar dhe një shqiptar që përfundoi në spital pas një sherri banal në zonën e 9-katësheve me tifozë tifozë holandezë, mbi 60 fansa të të dyja skuadrave të shoqëruar në komisariate, shumë prej të cilëve gati për t’u dëbuar nga vendi dhe një automjet i policisë i shkatërruar.

Incidente të tilla janë të pritshme në prag të një finaleje europiane futbolli, sidomos kur përplasen skuadra me përvoja jo fort për t’u lavdëruar sa i përket sjelljes së tifozëve. Gjithsesi, duhet pranuar se sprova e parë e autoriteteve shqiptare kaloi me sukses.

Mund të jetë edhe më e vështirë dita e sotme për autoritet vendëse, pasi pritet të mbërrijnë edhe më shumë tifozë të të dyja skuadrave e shumë prej tyre pa qenë të pajisur me bileta.

Përtej këtyre incidenteve, Tirana po përjeton ditë festive, si kurrë më parë, duke përçuar imazhin e një kryeqendre europiane të futbollit..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat