Nikaj: Dihej që Malisheva ishte favorite, jam i pakënaqur me referimin

Futboll

Nikaj: Dihej që Malisheva ishte favorite, jam i pakënaqur me referimin

Më: 28 maj 2022 Në ora: 19:31
Nikaj: Dihej që Malisheva ishte favorite, jam i pakënaqur me referimin

Malisheva do të bëjë gara në Superligën e Kosovës në futboll edhe në edicionin e ardhshëm pasi e fitoi ndeshjen vendimtare të barazhit kundër Vushtrrisë.

Pas humbjes ka folur trajneri i Vushtrrisë, Samuel Nikaj, i cili tha se ekipi i tij luajti burrërisht, duke theksuar se nuk qe i kënaqur me referimin.

“U dijke që Maslisheva është favorit, tu e ditë që është skuadër e Superligës, megjithatë ne kemi lujtë burrnisht, na lujtëm futbollin tonë. Edhe fondi i lojtarëve bën diferencën, na lujtëm futboll të mirë – për mendimin tim edhe referimi nuk ke i mirë, mbes i pakënaqur me mënyrën qysh ka referuar. Ky ka qenë fati ynë”- tha Samuel Nikaj.

Ndryshe, Malisheva pjesën e rregullt të kampionatit e mbylli në pozitën e tetë në tabelën e Superligës me 48 pikë, dy më pak se Drenica e vendit të gjashtë e Dukagjini i vendit të shtatë.

Ndërkohë, Vushtrria që sivjet feston 100 vjetorin e themelimit të klubit, përfundoi në vendin e dytë në Grupin B të Ligës së Parë, me 46 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat