Atletico në garë për sulmuesin e kombëtares italiane

Futboll

Atletico në garë për sulmuesin e kombëtares italiane

Më: 26 qershor 2022 Në ora: 14:01
Atletico në garë për sulmuesin e kombëtares italiane

Merkato po konfirmon se për sulmuesin Gianluca Scamaça ka një interes të lartë nga klubet më të rëndësishme europiane si PSG, Milan apo tashmë edhe Atletico Madrid.

Minutat e dhuruara në kombëtare duket se i kanë bërë një reklamë të shkëlqyer lojtarit të Sassuolos i cili ka fituar admirimin e trajnerit Diego Simeone.

Teknikut argjentinas kërkon pikërisht një sulmues të fortë në majën e sulmit të Los Colchoneros dhe italiani falë 195 centimetrav që zotëron ia mundëson diçka të tillë, teksa 23-vjeçari dallon në cilësitë e tij për të mbrojtur topin apo edhe për të sulmuar hapësirat në zonën e kundërshtarëve.

Megjithatë, Atletico fillimisht duhet të akomodojë Alvaro Moratën i cili pasi u rikthye në Spanjë nga Juventus, është në kërkim të një tjetër aventure. Gjithsesi, sulmuesi rrezikon të mbetet edhe pjesë e Atleticos, e në rast se një skenar i tillë bëhet realitet atëherë Scamaça për Simeonen do të mbetej thjesht një ëndërr.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat