Cheburin: Parashikuam që skuadra e Ballkanit të jetë agresive

Futboll

Cheburin: Parashikuam që skuadra e Ballkanit të jetë agresive

Më: 6 korrik 2022 Në ora: 11:10
Cheburin: Parashikuam që skuadra e Ballkanit të jetë agresive

Trajneri i Zalgiris, Vladimit Cheburin komentoi ndeshjen e djeshme ndaj Ballkanit, ku tha se skuadra e tij ka bërë shumë gabime në barazimin 1:1.

Sipas Cheburin ka ndikuar negativisht edhe moti me shi dhe fusha natyrale, sepse skuadra e tij stërvitet në fushë me bar artificial.

Ai lavdëroi skuadrën e Ballkanit, por tha se në ndeshjen e dytë gjithçka do të nis nga e para.

“E prisnim, parashikuam që skuadra e Ballkanit të jetë agresive që në minutat e para, të shkojë përpara, të shumë presion. Kështu ndodhi. Kemi bërë shumë gabime.

Do të zbulojmë se çfarë e shkaktoi problemet tona, fusha apo faktorë të tjerë. Duhet të nxirren konkluzione në bazë të kësaj. Edhe moti ndikoi. Kundërshtarët shënuan një gol të shpejtë. Ne nuk e mbyllëm hapësirën për gjuajtje, megjithëse folëm për këtë. Pësuam gol, por mirë që shënuam pastaj”, tha fillimisht ai.

“Lënim kundërshtarët të krijonin raste, kjo ishte pengesë e madhe. Sulmet e kundërshtarëve ishin shumë të mprehta, portieri Edvin Gertmon na shpëtoi portën nga gjuajtjet. Përkushtimi i skuadrës ishte i mirë, por kishim edhe shumë gabime, pasi kjo nuk na lejoi të arrijmë një rezultat më pozitiv. Ndeshja do të rifillojë tani nga e para”, përfundoi Cheburin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat