Ademi e njoftoi ambasadorin Ali Bin Hamad Al-Marri për ecurinë e futbollit të Kosovës

Futboll

Ademi e njoftoi ambasadorin Ali Bin Hamad Al-Marri për ecurinë e futbollit të Kosovës

Më: 9 gusht 2022 Në ora: 14:24
Ademi e njoftoi ambasadorin e Katarit

Presidenti Agim Ademi dhe u.d. sekretari i përgjithshëm, Taulant Hodaj, sot, janë pritur ngrohtësisht në ambasadën e Katarit në Tiranë nga ambasadori Ali Bin Hamad Al-Marri, e ku të pranishëm ishin Abdulaziz Mohammed Alsahli sekretar dhe Nada Abdulrahman Al Sayed konsulle. Gjatë këtij takimi edhe një herë u konfirmua partneriteti ndërmjet dy vendeve, sidomos në aspektin e futbollit.

Ademi e njoftoi ambasadorin Ali Bin Hamad Al-Marri për ecurinë e futbollit të Kosovës, si dhe për raportet e mira që FFK ka krijuar me Federatën e Futbollit të Katarit.

Me këtë rast u diskutua për nevojën e realizimit të Memorandumit të Bashkëpunimit, të nënshkruar me Federatën e Katarit, si dhe për stadiumin e çmonuteshëm, i ndërtuar nga 974 kontenierë për finalet e Botërorit “Katari 2022”, e të cilin FFK ka kërkuar që pas përfundimit të këtij eventi ta fitojë si donacion nga shteti i Katarit.

Gjithashtu u bisedua edhe për realizimin e projekteve tjera të përbashkëta, kudo ku Katari mund të ndihmojë futbollin e Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat