Ballkani po e habit Evropën, hesht kampionin e Maqedonisë së Veriut  

Futboll

Ballkani po e habit Evropën, hesht kampionin e Maqedonisë së Veriut  

Nga: Kemajl Goca Më: 18 gusht 2022 Në ora: 22:32
Pamje nga ndeshja

Kampioni i Kosovës, Ballkani i Therandës, ka treguar lojë të madhe duke triumfuar me rezultat 2:1 ndaj kampionit të Maqedonisë së Veriut, Shkupi, në ndeshjen e parë kualifikuese të Conference League në futboll.

Ballkani me lojë e rezultat mahniti të gjithë, duke e heshtur Shkupin. 

Sfidë mes dy ekipeve shqiptare.

Djelmoshat e kryetrajnerit Ilir Daja treguan angazhim të pashoq që rezultoi me fitore në sfidën e parë.

Një Ballkan që po befason një Evropë, kurrë më afër fazës së grupeve.
Ballkani shumë afër historisë, shumë afër fazës së grupeve, gati që të bëhet ekipi i parë i Kosovës që t’i prek majat më të larta.

Ballkani po tregon lojë të madhe në stadiumin “Todor Proeski” në Shkup.

Shkupjanët avancuan të parët në minutën e 19-të me golin e Sunday Adetunji.

Ky gol e ka motivuar edhe më shumë Ballkanin, duke e barazuar rezultatin në minutën e 23-të. Albion Rrahmani shënoi nga afërsia duke heshtur stadiumin.

Në minutën e 38-të, Ballkani dëmtohet për një penallti pasi që pengohet Rrahmani, por gjyqtari hesht. 

Meriton Korenica në minutën e 67-të shënon gol të bukur për 1:2.

Në minutën e 69-të, Hamidi i Shkupit, godet nga 17 metra por tërthorësja aleat i Ballkanit.    

Në 73-rë Ermal Krasniqi vetëm me portier por goditja e tij ndalet.

Në fund të takimit, Ballkani me fat.

Një fitore që ia hap rrugën drejt fazës së grupeve, ndërsa kryetrajneri i Shkupit Goce Sedlloski del kokulur dhe i befasuar nga kampioni i Kosovës.  

Shkupi – Ballkani 1:2 (1:1)

Stadiumi “Todor Proeski” në Shkup.

Shikues: 4.000.

Gjyqtar: O. Kristjansson (Islanda).

Shënues: Adetunji (19’) – Rrahmani (23’), Korenica (67’).  

Kartona të verdhë: Senghor, Demiri, Hamidi, Naumovski - 

Shkupi: Naumovski, Brdarovski, Margvelashvili, Senghor, Sheji (Demiri 46’),  Queven (Gorgiev 89’), Hamidi, Alvarez (Danfa 68’), Trapanovski (Adem 46’), Adetunji dhe Cephas.

Ballkani: Ljuljanoviq, Kuç, Jashanica (Sinani 71'), Dellova, Ar. Thaçi, Zyba (Lucas 78'), As. Thaçi (Abazi 90+1’), Gripshi, Korenica, Krasniqi dhe Rrahmani (Berisha 78').

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat