Policia ka konfirmuar se mesfushorit të Liverpoolit, Alex Oxlade-Chamberlain i është plaçkitur shtëpia e tij, derisa ai ishte brenda me familjen e tij të martën mbrëma.
29-vjeçari jeton në Wilmslow, pranë Manchesterit, me gruan e tij Perrie Edwards dhe djalin e tyre 13 muajsh.
Një deklaratë e policisë ka zbuluar se shtëpia e tyre ishte bastisur të martën mbrëma, me Oxlade-Chamberlain dhe familjen e tij të pranishëm në atë kohë brenda.
Askush nuk u lëndua, por bizhuteritë dhe çantat e dorës u vodhën, me policinë e Cheshire që ka filluar me hetimet e tyre në lidhje me incidentin.
"Në orën 22:45 të martën e 27 shtatorit policia u thirr në një vjedhje në një pronë në Wilmslow," shkruante në deklaratën e policisë.
"Plaçkitësit kanë hyrë në shtëpi duke vjedhur bizhuteri dhe çanta dore, ndërsa banorët ishin brenda. Po vazhdojnë hetimet për të identifikuar të dyshuarit", shkruante më tej.
Oxlade-Chamberlain aktualisht është jashtë fushave të gjelbra me një lëndim të rëndë të cilin ai e pësoi gjatë turneut para-sezonal të Liverpoolit në Azi.
Ai ende nuk është paraqitur për “Të Kuqtë” në sezonin aktual, me raportimet që sugjerojnë se ai mund të kthehet në aksion në fund të tetorit ose nëntorit.
