Messi apo Haaland? Guardiola tregon dallimin mes dy sulmuesve

Futboll

Messi apo Haaland? Guardiola tregon dallimin mes dy sulmuesve

Më: 3 tetor 2022 Në ora: 17:40
Haaland, Guardiola, Messi

Erling Haaland është kthyer një ndër sulmuesit më të mirë në botën e futbollit. Golat e shënuar me Manchester Cityn, në sezonin e parë në Premier League e kanë renditur atë në krye të sulmuesve më efektivë të këtij sezoni.

Sulmuesi norvegjez shënoi hat-trick gjatë fitores 6-3 të Cityt ndaj United në derbin e Mançesterit ditën e djeshme, duke e çuar numrin e golave në 17 në të gjitha garat këtë sezon.

I pyetur nga gazetarët pas ndeshjes se cili mes Haaland dhe Lionel Messit është më lart, Pep Guardiola vlerësoi kontributin e Haaland, por theksoi se ia ka nevojë për mbështetjen e gjithë skuadrës për të shënuar, ndërsa tha se Messi ishte një nivel mbi të duke pasur parasysh ‘aftësinë’ e tij për t’i bërë të gjitha vetë.

“Dallimi është, ndoshta se Erling ka nevojë për të gjithë shokët e tij për ta bërë këtë. Është e pabesueshme. Messi ka aftësinë për ta bërë këtë i vetëm”, ka deklaruar trajneri City. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat