Feyenoordi i Rotterdamit i pandalshëm drejt titullit të 16-të të Eredivisies.
Kryesuesit e kampionatit elitar holandez siguruan fitoren e nëntë radhazi duke ruajtur diferencën prej tetë pikësh me PSV Eindhovenin kur kanë mbetur edhe pesë ndeshje deri në fund të Eredivisies.
Suksesin e fundit e arritën në fushën e Cambuurit me rezultatin e thellë 0:3.
Ndeshja u zhbllokua në minutën e 17-të nga Gimenez, pas bashkëpunimit që pati me Paixaon.
Gjatë pjesë së dytë kryesuesit e Eredivisies realizuan edhe dy gola të tjerë, me Szymanskin në të 51-tën, ndërsa në të 64-tën Mac-Intosch devijoi në portën e tij për rezultatin përfundimtar 0-3.
Ndërkohë PSV Endhoveni fitoi 2-3 në fushën e Volendamit.