Mbrojtësi i Liverpoolit, Trent Alexander-Arnold është rikthyer në stërvitje, ka njoftuar tha të martën ndihmëstrajneri i klubit Pep Lijnders, para ndeshjes kundër Leicester City.
Futbollisti ishte lënduar në Premier League ndaj Aston Villa në fillim të këtij muaji dhe kishte humbur edhe ndeshjen kualifikuese të Anglisë për Euro 2024 kundër Ukrainës si dhe miqësoren kundër Skocisë.
“Trent ishte duke u stërvitur dje dhe dukej i jashtëzakonshëm”, u ka thënë Lijnders gazetarëve.
I dyti i shtabit teknik të Liverpool ka folur edhe për situatën e Thiago Alcantara.
"Na mungon Thiago dhe cilësia e tij. Ai ende nuk është kthyer në stërvitje, por po shërohet", ka thënë ai.
