Java e 23 e Premier League do të ndizet nga supersfida mes Arsenal dhe Liverpool në program për t’u zhvilluar të dielën në orën 17:30.
Topçinjtë kanë shansin për t’iu afruar kreut që mbahet nga Liverpool teksa ish-lojtari i Arsenal, Cesc Fabregas shprehet se skuadrës së Mikel Artetës nuk i falen më pikët e humbura pasi mund të dalë shpejt nga gara e titullit.
“Duke e njohur Artetën e di që do të synojë vetëm fitoren ndaj Liverpool.
Është një mundësi e shkëlqyer për të shkurtuar diferencat me Liverpoolin.
Tani ka nisur momenti ku ndahen fatet e kampionatit, është momenti ku dalin në pah kampionët e vërtetë dhe nëse ata kanë fuqinë për t’u përballur me presionin.
Arsenal nuk është në pozitat ku i falet lënia e pikëve. Nga ana tjetër, e shoh Liverpoolin shumë të motivuar edhe për shkak se Klopp lajmëroi se është në sezonin e fundit aty”, u shpreh Fabregas.
