Shkëndija futet në histori, trondit skuadrën e madhe rumune në Bukuresht

Futboll

Shkëndija futet në histori, trondit skuadrën e madhe rumune në Bukuresht

Nga: K. Goca Më: 30 korrik 2025 Në ora: 21:23
Pamje nga ndeshja

Shkëndija e Tetovës futet në histori, duke u kualifikuar në rrethin e tretë të Champions League në futboll.

Shkëndija ka shënuar fitore në Bukuresht, me rezultat 2:1 ndaj Steaua-s dhe falë fitores në Shkup me 1:0, kualifikohet në rrethin e tretë.

Skuadra shqiptare feston, Steaua e tronditur largohet nga fusha.

Pjesa e parë ështl karakterizua me lojë të mirë dhe Shkëndija u paraqit me kujdes duke mbuluar me sukses çdo repart.

Në minutën e 28-të, futbollisti Cisotti kaloi në epërsi skuadrën rumune.

Kjo epërsi nuk zgjati më shumë se pesë minuta. 

Skuadra kuqezi me vetëmohim ia doli që të barazojnë rezultatin në minutën e 33-të.

Autor i golit Liridon Latifi.

Kampioni i Maqedonisë së Veriut ka shënuar edhe një gol në pjesën e dytë dhe në finish të takimit, duke ua “prerë” këmbët vendasve.

Në minutën e 87-të Krstevski realizoi për 1:2.

“Ballistët” ishin në numër të madh në Bukuresht duke i dhënë përkrahje të madhe Shkëndijes në këtë kualifikim historik.

Në rrethin e tretë Shkëndija përballet me Qarabagun e Azerbajxhanit.

comment Për komente lëvizni më poshtë
Sot mund të lexoni Shfletoni kopertinat